|
эдик», дейишди. Ибн Масъуд: «Аллоҳнинг душманлари менга ҳозиргидан кўра арзимас бўлмаганди, агар хоҳласангиз, эртага ҳам уларга шундай қиламан», деди. Улар: «Йўқ, етарли, уларга ёқтирмайдиган нарсаларини эшиттирдингиз», дейишди». Ибн Касир «Жомиъул-масонид вас-сунан»да Ҳотибдан қуйидагини келтирган. Расулуллоҳ у кишини Искандария муқавқиси (Исломгача бўлган Искандария раҳбарларининг унвони) Журайж ибн Минонинг ҳузурига юбордилар. Муқавқис у кишига: «Нима учун пайғамбарингиз уни ўз юртидан чиқариб юборганларни дуои бад қилмайди?» деб сўради. Ҳотиб унга: «Худди Ийсо Аллоҳ Ўз ҳузурига кўтаргунича уларни ўлдирмоқчи бўлганларни дуои бад қилмаганлари сингари», деди. Шунда муқавқис: «Офарин, сиз донишманд кишининг ҳузуридан келган донишмандсиз», деди. Ҳоким «Мустадрак»ида келтириб, Бухорий ва Муслим шартларига биноан саҳиҳ деб ривоят қилади, Абу Мусо р.а. деди: Расулуллоҳ с.а.в. бизга Нажошийнинг ерига боришни буюрдилар. Бунинг хабари Қурайшга етиб, улар Амр ибн Ос ва Аммора ибн Валидни Нажошийга аталган совға-саломлар билан юборишди. Биз етиб бордик, улар ҳам Нажоший ҳузурига келиб, совға-саломларни топширишди. Сўнгра Амр ибн Ос: «Бизнинг айрим қабиладошларимиз динимиздан юз ўгириб, ҳозир сизнинг ерингизда турибди», деди. Нажоший улардан: «Менинг еримда турибди?» деб сўради. У «Ҳа», деди. Кейин бизга одам юборилди. Жаъфар бизга: «Сизлардан бирор киши гапирмасин, бугун сизлар орангиздаги гапирувчи менман», деди. Биз Нажоший ҳузурига етиб борганимизда у мажлисда ўтирган эди, унинг ўнг тарафида Амр ибн Ос, чап тарафида эса Аммора ибн Валид бор эди. Унинг кашишлари ва роҳиблари сукут сақлаб ўтирар эди. Шунда Амр ва Аммора унга қарата: «Улар сизга сажда қилишмайди», дейишди. Биз унинг ҳузурига борганимизда унинг кашиш ва роҳиблари «Подшога сажда қилинглар!» деб бизга бақирди. Жаъфар эса «Аллоҳдан ўзгага сажда қилмаймиз», деди. Нажоший унга «У ким?» - деганда, Жаъфар: «Аллоҳ бизга пайғамбарини юборди, у Ийсо ўзидан кейин Аҳмад исмли пайғамбар келади, деб башорат берган пайғамбардир. Бас, у бизга Аллоҳга ибодат қилишни, Унга бирор нарсани шерик қилмасликни, намоз ўқиб закот беришни буюрди ҳамда бизни маъруфга буюриб, мункардан қаййтарди», деди. Одамлар унинг бу сўзларидан ажабланди. Буни кўрган Амр: «Аллоҳ подшоҳни янада улуғласин, аммо улар Ийсо ибн Марям борасида сизларга қарама-қаршидир», деди. Нажоший Жаъфардан: «Биродарингиз ибн Марям тўғрисида нима дейди?» - деб сўради. Жаъфар: «У тўғрисида Аллоҳнинг „Албатта, ал-Масийҳ Ийсо бинни Марям фақат Аллоҳнинг пайғамбари ва Унинг Марямга етказган сўзи ҳамда Унинг томонидан бўлган руҳ (соҳибидир), холос“, деган қавлини гапиради», деди. Шунда Нажоший
25-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54